இணையத்தில் வைரலாகும் தளபதி "விஜய்"யின் "பீஸ்ட் " புகைப்படம் 

நெல்சன் திலீப்குமார் இயக்கத்தில் தளபதி விஜய் நடித்து வரும் பீஸ்ட் திரைப்படத்தின் நூறாவது நாள் ஷூட்டிங் புகைப்படம் இணையத்தில் வைரலாகி வருகிறது.

திரைத்துறையில் நீண்ட நாட்களாக இயங்கி வரும் நெல்சன் திலீப்குமார் கோலமாவு கோகிலா என்ற திரைப்படத்தின் மூலம் கோலிவுட்டில் இயக்குனராக கால் பதித்தார். நயன்தாரா, யோகி பாபு நடித்த இந்த திரைப்படம் ஹிட்டடிக்க, அடுத்து சிவகார்த்திகேயனை வைத்து டாக்டர் படத்தை இயக்கினார். 

கலவையான விமர்சனங்களைப் பெற்றாலும்,  பிளாக் காமெடி வகையில் எடுக்கப்பட்ட இப்படம் மக்கள் மத்தியில் பெரிய வரவேற்பை பெற்றது. அடுத்தடுத்து இரண்டு வெற்றிப் படங்களைக் கொடுத்த நெல்சன், தளபதி விஜயை வைத்து பீஸ்ட் படத்தை இயக்கி வருகிறார். 

அனிருத் இசையமைக்கும் இந்த படத்தில், விஜய், பூஜா ஹெக்டே, செல்வராகவன், யோகி பாபு என பலரும் நடித்து வருகின்றனர். இப்படடத்தின் படபிடிப்புகள் ஜார்ஜியா உள்ளிட்ட வெளிநாடுகளில் நடந்து வந்த நிலையில், தற்போது இந்தியாவில் பிரமாண்ட செட் அமைக்கப்பட்டு நடந்து வருகிறது.

இந்நிலையில்  படத்தின் 100 நாள் படப்பிடிப்பில் விஜய் உள்ளிட்ட நட்சத்திரங்களுடன் எடுத்து கொண்ட புகைப்படத்தை இயக்குனர் நெல்சன் திலீப்குமார் அவரது டிவிட்டர் பக்கத்தில் மகிழ்ச்சியுடன் பதிவு செய்துள்ளார். 

" இது 100வது நாள் படப்பிடிப்பு. இந்த அற்புதமான மனிதர்களுடன் 100 வேடிக்கையான நாட்கள் " என்ற தலைப்புடன் தளபதி விஜய், பூஜா ஹெக்டே மற்றும் சன் பிக்சர்ஸ் நிறுவனத்தை டேக் செய்துள்ளார். இசைக்கருவிகள் சூழ விஜய் அமர்ந்திருக்கும் அந்த புகைப்படம் இணையத்தில் தற்போது வைரலாகப் பரவி வருகிறது‌.