இணையத்தில் வைரலாகும் அஜித்தின்  ’வலிமை’ பட அம்மா பாடல் -  "நான் பார்த்த முதல் முகம் நீ " ஒரு டிஸ் லைக் கூட இல்லாமல் 25 லட்சம் பார்வைகளைக் கடந்து சாதனை   

அஜித் நடிக்கும் "வலிமை" படத்தின்  "நான் பார்த்த முதல் முகம் நீ " என்ற அம்மா பாடல் இணையத்தில் வைரலாகி வருகிறது. இது வரை 25 லட்சம் பார்வைகளைக் கடந்துள்ள இப்பாடலை, ஒருவர் கூட டிஸ்லைக் செய்யவில்லை என்பது குறிப்பிடத்தக்கது‌

ஹெச்.வினோத் இயக்கத்தில் அஜித் நடிப்பில் உருவாகி வரும் படம் ’வலிமை’ படத்தின் இறுதிக்கட்ட பணிகள் முழுவீச்சில் நடந்து வருகிறது. இப்படத்தில் அஜித்துடன் தெலுங்கு நடிகர் கார்த்திகேயா, ஹூமா குரேஷி, சுமித்ரா, யோகி பாபு, அச்சுயுத்குமார் என முன்னணி நட்சத்திரங்கள் நடித்து வருகின்றனர். போனி கபூர் தயாரிக்கும் இப்படத்திற்கு  யுவன்சங்கர் ராஜா இசையமைத்துள்ளார்.

 பொங்கலுக்கு வெளியாக உள்ள இப்படத்தின் நாங்க வேற மாரி  கடந்த ஆகஸ்ட் மாதம் வெளியாகி பட்டி தொட்டி எங்கும் பட்டையைக் கிளப்பியது. அஜித் ரசிகர்கள் அதைக் கொண்டாடி வரும் வேளையில், இப்படத்தின் இரண்டாவது பாடலின் லிரிக்கள் வீடியோ நேற்று வெளியானது. 

அம்மா சென்டிமென்ட்டில் உருவாக்கப்பட்டுள்ள இப்பாடல், நான் பார்த்த முதல் முகம் நீ, நான் கேட்ட முதல் குரல் நீ என்று  அஜித்தின் குரலுடன் தொடங்குகிறது. இயக்குனர் விக்னேஷ் சிவன் எழுதியுள்ள இப்பாடலை சித் ஸ்ரீராம்  பாடியுள்ளார்.

2டி தொழில்நுட்பத்தில்  வரைபடங்களின் அனிமேஷனாக வடிவமைக்கப்பட்டுள்ள இந்த லிரிக்கள் வீடியோ, வெளியான சிறிது நேரத்திலேயே இப்பாடல் அனைவரையும் கவர்ந்துவிட்டது.  மாநகரம், கைதி, தீரன் படங்களின் பிளாஸ்பேக் காட்சிகளை இதேபோன்று வடிவமைத்து அனைவரையும் வியக்க வைத்திருந்தார் இயக்குனர் வினோத். 

பொதுவாக அம்மா சென்டிமென்ட் பாடல்கள் ஹிட்டாகும் என்ற எதிர்பார்ப்பு இருந்த நிலையில், இப்பாடல் அதிரிபுதிரியான வெற்றி பெற்றுள்ளது. 24 மணி நேரத்திற்குள் 25 லட்சம் பார்வைகளைக் கடந்துள்ள இப்பாடல், யூடியுப் தளத்தில் ஒரு டிஸ் லைக் கூட பெறவில்லை என்பது குறிப்பிடத்தக்கது. 

அஜித்திற்காக, விஸ்வாசம் படத்தில் சித் ஸ்ரீராம் பாடிய கண்ணான கண்ணே பாடல் மெகாஹிட் ஆன நிலையில், இப்பாடலும் அந்த வரிசையில் இணைந்துள்ளதாக அஜித் ரசிகர்கள் கொண்டாடி வருகின்றனர்.