தூத்துக்குடி மாவட்டம் விளாத்திகுளத்தில் இன்று அதிமுக சார்பில், அறிஞர் அண்ணாவின் 116-வது பிறந்த நாள் விழாவை முன்னிட்டு மாபெரும் பொதுக்கூட்டம் நடைபெற்றது. இதில் முன்னாள் அமைச்சரும் கோவில்பட்டி சட்டமன்ற உறுப்பினருமான கடம்பூர் ராஜூ கலந்து கொண்டு கட்சியினர் மற்றும் பொதுமக்களிடையே சிறப்புரை ஆற்றினார். அப்போது முன்னாள் அமைச்சர் கடம்பூர் ராஜூ பேசியதாவது;கோவை ஹோட்டல் உரிமையாளர் மன்னிப்பு கேட்ட விவகாரம் - தமிழனை மன்னிப்பு கேட்க வைத்ததால் இன்று நாடே பற்றி எரிகிறது...

இந்த பாராளுமன்றத் தேர்தலில் அதிமுகவை நீங்கள் ஒதுக்கவில்லை.. நாங்கள் இதை தோல்வியாக கருதவில்லை, திருக்குறள் மனிதனை வழிநடத்துவது போல அறிஞர் அண்ணாவின் பொன்மொழிகள் வழி நடத்துகின்றன,நீட் தேர்வை கொண்டு வந்தது மத்தியிலிருந்த காங்கிரஸ் அரசுடன் திமுக கூட்டணியில் இருந்த போதுதான்... மக்களை ஒருபோதும் ஏமாற்ற முடியாது என்று கூறி புரட்சித்தலைவர் எம்ஜிஆரின் அடிமைப்பெண் படத்தில் வந்த "ஏமாற்றாதே ஏமாற்றாதே... ஏமாறாதே ஏமாறாதே" என்ற பாடல் வரிகளைக் கூறி ஏமாற்றுபவன் கண்டிப்பாக ஒருநாள் ஏமாந்து தான் போகப் போகிறான் அது வருகின்ற 2026 தேர்தலில் திமுகவிற்கு பொருந்தும்.

திமுக அண்ணாவின் கட்சி கிடையாது.. கருணாநிதியின் குடும்ப கட்சி என்று கூறி திமுக அரசு திட்டங்களை கடுமையாக விமர்சனம் செய்து பேசினார். 

தாமிரபரணி - வைப்பாறு நதியிணைப்பு திட்டத்திற்கு அரசாணை போட்டு மூன்றாண்டுகளாகியும் செயல்படுத்தாதது ஏன் என்று கேட்டு அதிமுக ஆட்சிக்கு வந்தவுடன் 6 மாத காலத்திற்குள் அதற்கான பணிகளை செய்து முடிப்போம் என்று கூறினார்.

அண்ணாவின் பெயரில் இருக்கக்கூடிய அதிமுக ஆட்சிக்கு வர வேண்டும், அண்ணாவின் உருவம் பொறித்த கொடி செயின் ஜார்ஜ் கோட்டையில் பறக்க வேண்டும் அதற்கு நீங்கள் அத்தனை பேரும் உறுதுணையாக இருக்க வேண்டும் என்று கட்சியினர் மற்றும் பொதுமக்களிடம் கேட்டுக்கொண்டார்.

இந்த பொதுக்கூட்டத்தில்  முன்னாள் எம்எல்ஏ என்.கே பெருமாள், ஒன்றிய குழு பெருந்தலைவர் முனிசக்தி ராமச்சந்திரன், ஒன்றிய செயலாளர்கள் மகேஷ்,பால்ராஜ், தனஞ்செயன், தனபதி,காந்தி (எ)காமாட்சி, அன்புராஜ், நகர செயலாளர் மாரிமுத்து, மகளிர் அணி பிரியா,அதிமுக நிர்வாகிகள் வரதராஜ பெருமாள், வேல்முருகன்,போடு சாமி,MRV கவியரசன்,ஆனந்த் விளாத்திகுளம் சட்டமன்றத் தொகுதி   அதிமுக தகவல் தொழில்நுட்ப அணி சுரேஷ் உள்ளிட்ட ஏராளமான அதிமுக நிர்வாகிகள் பலர் கலந்து கொண்டனர்.