தூத்துக்குடி தெற்கு மாவட்டம் ஒட்டப்பிடாரம் மேற்கு ஒன்றிய திமுக சார்பில் திமுக பொது உறுப்பினர்கள் கூட்டம் தூத்துக்குடி மாவட்டம் ஒட்டப்பிடாரம் அருகே புதியம்புத்தூரில் உள்ள தனியார் திருமண மண்டபத்தில் ஒட்டப்பிடாரம் சட்டமன்ற உறுப்பினர் சண்முகையா தலைமையிலும் ஓட்டப்பிடாரம் யூனியன் சேர்மன் ரமேஷ் முன்னிலையிலும் நடைபெற்ற இந்த பொது உறுப்பினர்கள் கூட்டத்தில் தூத்துக்குடி தெற்கு மாவட்ட திமுக செயலாளரும் மீன்வளம் மீனவர் நலன் மற்றும் கால்நடை பராமரிப்பு துறை அமைச்சர் அனிதா ராதாகிருஷ்ணன் கலந்து கொண்டு திமுக பொது உறுப்பினர்களுக்கு ஆலோசனைகளை வழங்கினார்.

தொடர்ந்து அமைச்சர் அனிதா ராதாகிருஷ்ணன் பேசுகையில், தமிழகத்தில் பெண்கள் மாணவர்கள் இளைஞர்கள் என பல்வேறு தரப்பினர் உயர வேண்டும் என்ற வகையில் தமிழக முதல்வர் மு.க.ஸ்டாலின் பல்வேறு திட்டங்களை சிறப்பாக செயல்படுத்தி வருகிறார். குறிப்பாக மகளிர்க்கான விடியல் பயணம், பள்ளி மாணவ மாணவியருக்கான காலை உணவு திட்டம் என பல்வேறு சிறப்பு திட்டங்களை செயல்படுத்தி மேலும் தேர்தல் நேரத்தில் அளித்த அனைத்து வாக்குறுதிகளையும் நிறைவேற்றி வருபவர் தான் தமிழக முதல்வர் மு க ஸ்டாலின் என தெரிவித்தார் மேலும் அமைச்சர் பேசுகையில் கடந்த நாடாளுமன்ற தேர்தலில் 40க்கு 40 என்ற வகையில் அனைத்து தொகுதிகளிலும் வெற்றிவாகை சூடி வெற்றி மேல் வெற்றி பெற்று வருகிறார் அந்த வகையில் வருகின்ற 2026 சட்டமன்றத் தேர்தலில் தமிழக முதல்வர் இலக்கான 200 சட்டமன்ற தொகுதிகளிலும் நாம் வெற்றி பெற வேண்டுமென பொது உறுப்பினர்களை கேட்டுக்கொண்டார். 

இந்நிகழ்ச்சியில் திமுக வர்த்தக அணி இணைச் செயலாளர் உமரி சங்கர் தெற்கு மாவட்ட திமுக இளைஞரணி அமைப்பாளர் ராமஜெயம் முன்னாள் சட்டமன்ற உறுப்பினர் டேவிட் செல்வின் தலைமை செயற்குழு உறுப்பினர் செந்தூர் மணி தலைமை பொதுக்குழு உறுப்பினர் ராஜலட்சுமி மாவட்ட பிரதிநிதி ஜோசப் மோகன் ஒன்றிய அவைத்தலைவர் ராஜேந்திரன் வழக்கறிஞர் அணி விஜி மாணவர் அணி தங்கத்துரை பாண்டியன் ஆதி திராவிடர் அணி மாடசாமி சிறுபான்மை அணி ஞானதுரை இளைஞர் அணி அருண்குமார் ஒன்றிய பொறியாளர் அணி மணிகண்டன் தொண்டரணி கோபால் தகவல் தொழில்நுட்ப பிரிவு சுரேஷ் ஒன்றிய துணைச் செயலாளர் சிவன் உள்ளிட்ட ஏராளமானோர் கலந்து கொண்டனர்.