ஜெர்மனியை வீழ்த்தி வெண்கலம் வென்றது இந்தியா ஹாக்கி அணி 

டோக்கியோ ஒலிம்பிக் ஆடவர் ஹாக்கி வெண்கலப் பதக்கப் போட்டியில் இந்திய அணி 5-4 என்ற கோல் கணக்கில், ஜெர்மனியை வெண்கலம் வென்றுள்ளது. 41 ஆண்டுகளுக்குப் பிறகு இந்திய அணி ஒலிம்பிக்கில் பதக்கம் வெல்வது இதுவே முதல் முறையாகும். 

லீக் சுற்றுகளில்  அபார ஆட்டத்தை வெளிப்படுத்திய இந்திய அணி  காலிறுதியில் கிரேட் பிரிட்டனை வீழ்த்தி அரையிறுதிக்குத் தகுதி பெற்றது. அரையிறுதியில் பெல்ஜியம் அணியிடம் போராடி தோற்ற இந்திய அணி, இறுதிப்போட்டிக்கு செல்லும் வாய்ப்பை இழந்தது. இதனால் வெண்கல பதக்கத்திற்கான போட்டியில் ஜெர்மனிக்கெதிராக ஆடியது.

இரு அணிகளுமே பதக்கம் வெல்லும் முனைப்புடன் களமிறங்கிய தால், போட்டியில் அனல் பறந்தது.‌ போட்டியின் துவக்கத்திலேயே கோல் அடித்து அதிர்ச்சி அளித்தது ஜெர்மனி. அதைச் சமன் செய்ய இந்திய கடுமையாகப் போராடியது. ஒருவழியாக சிம்ரான் ஜித் முதல் கோல் அடித்து  1-1 என ஸ்கோரை சமன் செய்தார்.

இதற்குப் பதிலடி கொடுத்த ஜெர்மனி ஆட்டத்தின்  22 மற்றும் 24ஆவது நிமிடத்தில் ஜெர்மனி, அபாராமாக  இரண்டு கோல் அடிக்க இந்தியாவின் பதக்கக் கனவு கேள்விக்குறியானது.

இதனால் ஆக்ரோஷமாக ஆட்டத்தை வெளிப்படுத்தியது இந்திய அணி.. இந்தியாவின் ஹர்மன் பிரீத்  அடுத்தடுத்து இரண்டு கோல்கள் அடித்து போட்டி 3-3 என சமநிலையை எட்டியது.

ஆட்டத்தின்  அ31 மற்றும் 34ஆவது நிமிடத்தில்  இந்தியாவின்  சிம்ரான் ஜித், ருபிண்டர் சிங் தலா ஒரு  கோல் அடிக்க   5-3 என்ற கணக்கில் முன்னிலை வகித்தது.  

அடுத்து ஜெர்மனியால் ஒரு கோல் மட்டுமே அடிக்க முடிந்தது. இறுதியில்  5-4 என்ற கோல் கணக்கில் வெற்றி பெற்ற இந்திய அணி, வெண்கலப் பதக்கத்தைக் கைப்பற்றியது. 

41 ஆண்டுகளுக்குப் பிறகு ஒலிம்பிக்கில் இந்தியா ஹாக்கி அணி,  முதல்முறையாக பதக்கம் வென்று சாதனை படைத்துள்ளது. இதனையடுத்து பலரும் இந்திய ஹாக்கி அணிக்கு வாழ்த்து மழை பொழிந்து வருகிறார்கள்.