ஓட்டப்பிடாரம் அருகே புதியம்புத்தூர் ஜான் தி பாப்டிஸ்ட் மேல்நிலைப் பள்ளியில் மாணவ மாணவிகளுக்கு பாலியல் தொந்தரவு மற்றும் குழந்தை திருமணம் குறித்த விழிப்புணர்வு நிகழ்ச்சி நடைபெற்றது. 

விழிப்புணர்வு நிகழ்ச்சியில் மாவட்ட குழந்தைகள் நல அலுவலர் உமா மகேஸ்வரி, புதுக்கோட்டை அனைத்து மகளிர் காவல் நிலைய ஆய்வாளர் வனிதா ராணி ஆகியோர் சமூகத்தில் பெண்களுக்கு எதிராக நடைபெறும் குற்ற செயல்களை தடுக்க எவ்வாறு செயல்பட வேண்டும் என்பது குறித்தும் குழந்தை திருமணங்கள் குறித்தும் விரிவாக எடுத்துரைத்தார் . நிகழ்ச்சியில் புதியம்புத்தூர் காவல் நிலைய உதவி ஆய்வாளர் சீதாராமன் மற்றும் பள்ளி ஆசிரியர்கள் மாணவ மாணவிகள்  உட்பட பலர் கலந்து கொண்டனர்.