சாத்தான்குளம் அருகே உள்ள  பழனியப்பபுரம்  மேலத்தெருவை சேர்ந்தவர் ஜெயராஜ் மனைவி செல்லம்மாள் வயது 74. கடந்த ஒன்றரை ஆண்டுகளாக செல்லம்மாள் மனநலம் பாதிக்கப்பட்டிருந்ததால் அவரது மகன் ஆரிஸ் பாண்டி  வயது 56  அவரே வீட்டில் வைத்து கவனித்து வந்தார்.

செல்லம்மாள் அவ்வப்போது வீட்டிலிருந்து வெளியே சென்று மீண்டும் திரும்ப வந்து விடுவார். இந்நிலையில்  கடந்த ஆறாம் தேதி  மாலை ஆரிஸ் பாண்டி வீட்டில் வந்து பார்த்தபோது  செல்லம்மாளை  காணவில்லை. அப்பகுதியில் தேடிப் பார்த்தபோது வடக்கு புரம் உள்ள தேர்க்கன்குளம் கணபதி என்பவருடைய கிணற்றில்  தவறி விழுந்து இறந்து கிடந்தது தெரியவந்தது.

இதனை அடுத்து  சாத்தான்குளம் இன்ஸ்பெக்டர்  ஏசு ராஜசேகரன்  உதவி ஆய்வாளர் ஸ்ரீதர் மற்றும் போலீசார் விரைந்து வந்து  செல்லம்மாள் உடலை கைப்பற்றி  சாத்தான்குளம் அரசு மருத்துவமனைக்கு அனுப்பி வைத்தனர்.

இது குறித்து  ஆரிஸ் பாண்டி  சாத்தான்குளம் போலீசில் புகார் செய்தார்  புகார் பேரில்  எஸ் ஐ ஸ்ரீதர் வழக்குபதிவு செய்தார். இன்ஸ்பெக்டர் ஏசு ராஜசேகரன் விசாரணை நடத்தி வருகிறார்.