தென்னாப்பிரிக்கா டெஸ்ட் : கோஹ்லி தலைமையிலான இந்திய அணி அறிவிப்பு : காயத்தால் ஜடேஜா, அக்சர்,கில் நீக்கம் - ஓடிஐக்கும் ரோகித் கேப்டனாக நியமனம்.

தென்னாப்பிரிக்கா டெஸ்ட் தொடருக்கான  கோஹ்லி தலைமையிலான இந்திய அணி அறிவிக்கப்பட்டுள்ளது. ஜடேஜா, அக்சர் பட்டேல் காயம் காரணமாக அணியில் இடம்பெறவில்லை. ரோகித் சர்மா டெஸ்ட் போட்டிகளுக்கு துணை கேப்டனாகவும், ஒருநாள் மற்றும் டி20 போட்டிகளின் கேப்டனாகவும் அறிவிக்கப்பட்டுள்ளார். 

இந்திய கிரிக்கெட் அணி தென்னாப்பிரிக்காவில் சுற்றுப்பயணம் செய்து டெஸ்ட் மற்றும் ஒருநாள் போட்டிகள் கொண்ட தொடரில் விளையாட இருக்கிறது. அதற்கான இந்திய அணியைத் தேர்வு செய்துள்ள தேர்வுக்குழுவினர், இன்று அப்பட்டியலை வெளியிட்டுள்ளனர்.

இந்திய அணியின் முழுநேர ஒருநாள் மற்றும் டி20 கேப்டனாக ரோஹித் சர்மா தேர்வுக் குழுவால் நியமிக்கப்பட்டுள்ளதாக பிசிசிஐ புதன்கிழமை (டிசம்பர் 8) தென் ஆப்ரிக்காவில் நடைபெறும் டெஸ்ட் தொடருக்கான அணியை அறிவித்துள்ளது. விராட் கோலி டெஸ்ட் அணியை தொடர்ந்து வழிநடத்தும் அதே வேளையில், ரோஹித் டெஸ்ட் போட்டிகளுக்கு துணை கேப்டனாகவும் உயர்த்தப்பட்டுள்ளார்.

இதற்கிடையில், தொடர்ந்து சரியாக வேலை விளையாடாத  அஜிங்க்யா ரஹானே மற்றும் புஜாரா டெஸ்ட் அணியில் தனது இடத்தை தக்க வைத்துக் கொண்டுள்ளனர். ராஹானேவின் துணைக்கேப்டன் பதவி பறிக்கப்பட்டு, ரோகித் சர்மாவிற்கு வழங்கப்பட்டுள்ளது‌.

 தொடக்க ஆட்டக்காரர்களான ரோகித்  மற்றும் ராகுல் அணிக்கு திரும்பி உள்ளதால்,  மாயங்க் அகர்வால் மூன்றாவது இடத்தில் விளையாட வாய்ப்பு இருக்கிறது. ஸ்ரேயாஸ் ஐயர் மற்றும் ஹனுமா விஹாரி ஆகியோரை தேர்வாளர்கள் தேர்வு செய்துள்ளனர். 

 ஒருபுறம் நியூசிலாந்து தொடரில் அறிமுகமான ஸ்ரேயாஸ் சதம் அடித்து அசத்த, மறுபுறம் விஹாரி தென்னாப்பிரிக்காவிற்கு எதிரான இந்தியா ஏ அணிக்காக ரன்களை குவித்து வருவது, புஜாரா மற்றும் ரகானே மீது அதிக அழுத்தம் ஏற்பட்டுள்ளது. 

 இந்திய டெஸ்ட் அணி: விராட் கோலி (கேப்டன்), ரோஹித் சர்மா (துணை கேப்டன்), கேஎல் ராகுல், மயங்க் அகர்வால், சேதேஷ்வர் புஜாரா, அஜிங்க்யா ரஹானே, ஷ்ரேயாஸ் ஐயர், ஹனுமா விஹாரி, ரிஷப் பந்த் (wk), விருத்திமான் சாஹா (wk), ஆர் அஷ்வின், ஜெயந்த் யாதவ், இஷாந்த் சர்மா, முகமது ஷமி, உமேஷ் யாதவ், ஜஸ்பிரித் பும்ரா, ஷர்துல் தாக்கூர், முகமது சிராஜ். 

காத்திருப்பு வீரர்கள் - நவ்தீப் சைனி, சவுரப் குமார், தீபக் சாஹர், அர்சன் நாக்வாஸ்வாலா

 இந்தியாவின் முதன்மை சுழற்பந்துவீச்சாளர்களான ஜடேஜா மற்றும் அக்சர் பட்டேல் காயம் காரணமாக வெளியேறி உள்ளதால்,  அஸ்வினுடன் ஜெயந்த் யாதவ்  தேர்வு செய்யப்பட்டுள்ளார். சொந்த மண்ணில் நடந்த நியூசிலாந்து தொடரில் ஓய்வில் இருந்த வேகப்பந்து வீச்சாளர்கள் ஜஸ்பிரித் பும்ரா மற்றும் முகமது ஷமி மீண்டும் அணிக்காத் திரும்பியுள்ளனர்.

காயம் காரணமாக ஷுப்மன் கில், அணியில் இணைந்திருந்த சூர்ய குமார் யாதவ், மாற்று வீரர் விக்கெட் கீப்பராக களமிறங்கி அசத்திய கே.எஸ் பரத் ஆகியோர் அணியில் இருந்து நீக்கப்பட்டுள்ளனர்.‌  இந்தியாவின் முதன்மை விக்கெட் கீப்பர் பேட்ஸ்மேன் ரிஷப் பண்ட் அணிக்கு திரும்பியுள்ளார். அவருடன் வ்ரித்திமான் சாகா  தன்னுடைய இடத்தை தக்க வைத்துள்ளார்.  இவர்களுடன் இங்கிலாந்து தொடரில் இரண்டு இன்னிங்ஸிலும் அரைசதம் அடித்து மிரட்டிய ஷர்துல் தாக்கூரும்  மீண்டும் அணியில் இணைந்துள்ளார்

காயம் ஏற்படும் வேகப்பந்து வீச்சாளர்களுக்கு மாற்றாக  நவ்தீப் சைனி, தீபக் சாஹர் மற்றும் அர்சான் நாக்வாஸ்வாலா ஆகியோரை காத்திருப்பு வீரர்கள் பட்டியலில் சேர்த்துள்ளனர். இவர்களோடு இடது கை சுழற்பந்து வீச்சாளர் சவுரப் குமாரும்  நான்காவது காத்திருப்பு வீரராக சேர்க்கப்பட்டுள்ளார். இந்தியா ஏ அணியில் உள்ள நான்கு காத்திருப்பு வீரர்களும் ஏற்கனவே தென்னாப்பிரிக்காவில் உள்ளனர்.

ஓமைக்ரான் பரவலால், செஞ்சூரியனில் பாக்ஸிங் டே டெஸ்டுடன் தொடரை தொடங்க இரு போர்டுகளும் பரஸ்பரம் முடிவெடுத்ததை அடுத்து, இந்தியாவின் தென்னாப்பிரிக்கா சுற்றுப்பயணம் ஒரு வாரத்திற்கு பின்னுக்குத் தள்ளப்பட்டுள்ளது.

இந்தியா இப்போது டிசம்பர் 26 அன்று சூப்பர்ஸ்போர்ட் பூங்காவில் சுற்றுப்பயணத்தைத் தொடங்கும் மேலும் இரண்டு டெஸ்ட் மற்றும் மூன்று ஒருநாள் போட்டிகளில் விளையாடுகிறது. நான்கு போட்டிகள் கொண்ட T20I தொடர் ரத்து செய்யப்பட்டுள்ளது, பின்னர் அது பின்னர் விளையாடப்படும் என்று அறிவிக்கப்பட்டது.