நடப்பு ஐ.பி.எல் தொடரின் புதிய போட்டி அட்டவணை வெளியானது : முதல் ஆட்டத்தில் சென்னை சூப்பர் கிங்ஸ் - மும்பை இந்தியன்ஸ் மோதல் 

நடப்பு ஐபிஎல் தொடருக்கான புதிய அட்டவணை வெளியிடப்பட்டுள்ளது. ஐக்கிய அரபு எமிரேட்டில்  நடைபெறும் தொடரின் இரண்டாவது பகுதி செப்டெம்பர் 19ல் தொடங்குகிறது. அதன் முதல் ஆட்டத்தில் சென்னை சூப்பர் கிங்ஸ் அணியும், மும்பை இந்தியன்ஸ் அணியும் மோதுகின்றன. 

நடப்பு ஐபிஎல் தொடர் கொரோனா பரவல் காரணமாக பாதியில் நிறுத்தப்பட்டது. இதன் இரண்டாவது பகுதி ஆட்டங்கள் யூஏஇல் நடைபெறும் என்று அறிவிக்கப்பட்டிருந்த நிலையில், இன்று அதற்கான அட்டவணை அறிவிக்கப்பட்டுள்ளது. 

அதன்படி செப்டெம்பர் 19ல் தொடங்கும்  முதல் ஆட்டத்தில்  சென்னையும் மும்பையும் மோதுகின்றன.   இந்த ஆட்டம் துபாயில் நடைபெறுகிறது.

துபாய், அபுதாபி மற்றும் ஜார்ஜாவில்  ஆட்டங்கள் நடைபெறுகின்றன.  அரையிறுதி ஆட்டங்கள் துபாய் மற்றும் ஜார்ஜாவில் நடைபெறுகிறது.  இறுதி ஆட்டம் அக்டோபர் 15ல் துபாயில் நடைபெற இருக்கிறது.