வாடிவாசல் திரைப்படத்தின் அசத்தல் டைட்டில் போஸ்டர்   வெளியீடு 

இயக்குனர் வெற்றிமாறன் இயக்கத்தில் நடிகர் சூர்யா நடிக்கும் வாடிவாசல் என்ற திரைப்படத்தின் டைட்டில் போஸ்டர்  வெளியாகி உள்ளது. அசத்தலான வடிவமைப்பில் வெளியாகி உள்ள டைட்டில் போஸ்டர் அனைவரையும் கவர்ந்துள்ளது.

அசுரன் திரைப்படத்தின் மாபெரும் வெற்றிக்குப் பிறகு, நடிகர் சூர்யாவை வைத்து படம் இயக்குவதாக செய்திகள் வெளியாகின. அதனை உறுதிசெய்த படக்குழு வாடிவாசல் எனப் பெயரிட்டு புகைப்படம் வெளியிட்டனர். அதில் சிந்து சமவெளி நாகரீகக் குறியீடுகள் அதிகம் இருந்ததால், படம் பற்றிய எதிர்பார்ப்பு அதிகமானது.

அப்படத்தின் தயாரிப்பாளர் கலைப்புலி எஸ்.தாணு  இன்று மாலை வாடிவாசல் திரைப்படத்தின் டைட்டில்  லுக்  வெளியிடப்படும் என்று ட்வீட் செய்திருந்தார். இதனால் இரசிகர்கள் ஆர்வத்துடன் காத்திருந்தனர்.

இந்நிலையில் வாடிவாசல் திரைப்படத்தின் டைட்டில் லுக்கை, சரியாக  மாலை 5:30 மணிக்கு, அப்படத்தின் தயாரிப்பாளர் கலைப்புலி எஸ்.தாணு தனது டிவிட்டர் பக்கத்தில் வெளியிட்டார். 

அதில் "நம் வீரத்தையும் வரலாற்றையும் சுமந்து நிற்கும் வாடிவாசல் திரைப்படத்தின் டைட்டில் லுக்கை உங்கள் பார்வைக்கு வெளியிடுவதில் பேரின்பமும் பெருமையும் கொள்கிறேன்" என்று தலைப்பிட்டுள்ளார்

இப்படத்தில் ஜல்லிக்கட்டை மையமாக உள்ள இக்கதையில், சூர்யா இருவேடங்களில் நடிப்பதாகவும், அதிலொன்று வரலாற்று காலத்தில் நடக்கும் சம்பவங்கள் என்றும்  செய்திகள் கசிந்தன. அதை மெய்ப்பிக்கும் வகையில், இரும்புக்காலத்தைக் குறிக்கும் விதத்தில், டைட்டில் போஸ்டர் வடிவமைக்கப்பட்டுள்ளது. அதில் ஜல்லிக்கட்டு காளையின் உருவம் மட்டும் இடம்பெற்றுள்ளது  

வி கிரியேசன்ஸ் தயாரிக்கும் இப்படத்திற்கு ஜி.வி.பிரகாஷ்குமார் இசையமைக்க, வேல்ராஜ் ஒளிப்பதிவு செய்கிறார்.