வாடிவாசல் லுக்கில் சூர்யா பிறந்தநாள் காமன் டிபி வெளியீடு

நடிகர் சூர்யாவின் பிறந்தநாளை முன்னிட்டு, ஸ்டூடியோ கிரீன் நிறுவனத்தினர் காமன் டிபி போஸ்டரை  வெளியிட்டு கொண்டாட்டத்தை துவக்கி உள்ளனர். வாடிவாசல்  லுக்கில் அடக்க முடியாத காளை என்பதை குறிக்கும் விதமாக இதனை வடிவமைத்துள்ளனர்.

தமிழ் சினிமாவின் தவிர்க்க முடியாத உச்ச நட்சத்திரங்களில் ஒருவரான சூர்யா வரும் ஜூலை 23-ஆம் தேதி அன்று, தனது 46-வது பிறந்தநாளைக் கொண்டாடுகிறார். இதனைச் சிறப்பிக்கும் விதமாக, அவரது ரசிகர்கள்  ’வாடிவாசல்’ லுக்கில் காமன் டிபி வெளியிட்டுள்ளனர். 

இயக்குனர் பாண்டிராஜின் படத்தில் நடித்து வரும் நடிகர் சூர்யா, அடுத்ததாக வெற்றிமாறன் இயக்கத்தில் ‘வாடிவாசல்’ படத்தில் நடிக்க இருக்கிறார். இந்நிலையில் இப்படத்தின் டைட்டில் லுக்கை தயாரிப்பாளர் தாணு தனது டிவிட்டர் பக்கத்தில் வெளியிட்டு இருந்தார்.

ஜல்லிக்கட்டுக் கதையை மையமாக வைத்து வெளிவரவுள்ள வாடிவாசல் படத்தின் டைட்டில் லுக்கில், காளை முத்திரையுடன் வடிவமைத்து இருந்தனர். அசத்தலான அந்த டைட்டில் போஸ்டரை சூர்யா ரசிகர்கள் ட்ரெண்ட் செய்து கொண்டாடி வருகின்றனர்

அதைப்போன்றதொரு வடிவமைப்பில் சூர்யாவின் பிறந்தநாளுக்கு, ஸ்டூடியோ கிரீன் நிறுவனத்தினர் காமன் டிபி போஸ்டரை வெளியிட்டுள்ளனர். பெருங்கூட்டமாகத் திரண்டிருக்கும் மக்களின் கைகளில் கயிற்றுடன் நிற்க, அடக்கமுடியாத காளையாக சூர்யா கயிற்றை திமிறி இழுத்துச் செல்வதைப் போல மிரட்டலான காமன் டிபியை வெளியிட்டுள்ளனர்.

இந்தப் படத்தை அவரின் ரசிகர்கள் மட்டுமல்லாமல்,  சினிமா துறையைச் சேர்ந்த நடிகர் ஆர்யா, தயாரிப்பாளர் ராஜசேகரன், உள்ளிட்டோரும் மகிழ்ச்சியுடன் பகிர்ந்து வருகின்றனர். இதனால் இப்பொழுதே சூர்யாவின் பிறந்தநாள் கலைகட்டத் தொடங்கியிருக்கிறது.