அண்ணாமலையின் உருவ பொம்மையை அதிமுகவினர் எரித்ததை கண்டித்து, தூத்துக்குடி மாவட்டம் எட்டயபுரம் பேருந்து நிலையம் முன்பு பாரதிய ஜனதா கட்சியின் தூத்துக்குடி வடக்கு மாவட்ட தலைவர் ஆத்திராஜ் தலைமையில், எட்டயபுரம் மண்டல் தலைவர் சரவணகுமார் முன்னிலையில், தமிழக பா.ஜ.க மாநில தலைவர் அண்ணாமலையின் உருவ பொம்மையை எறித்த அ.தி.மு.கவினர் மீது நடவடிக்கை எடுக்க கோரி கண்டன ஆர்ப்பாட்டம் நடைபெற்றது.

இந்த ஆர்ப்பாட்டத்தின் போது இந்து முன்னணி மாவட்ட துணை தலைவர் ஜெயச்சந்திரன், நெசவாளர் அணி பொறுப்பாளர் நாகராஜன், இளம்புவனம் கிளைச் செயலாளர் காளிராஜ், ஒன்றிய செயலாளர் ஹரி, மைதீன் துரை, மற்றும் நிர்வாகிகள் கலந்து கொண்டு கண்டன கோஷங்கள் எழுப்பினர்.