சாத்தான்குளம் , உடன்குடி வட்டார அளவிலான பள்ளி மாணவர்களுக்கான பல்வேறு  போட்டிகள் சாத்தான்குளம்  அருகே  படுக்கப்பத்து அரசு மேல்நிலைப்பள்ளி வளாகத்தில் நடந்து வருகிறது. இதனையொட்டி 17வயதுக்குட்பட்ட பள்ளி மாணவர்களுக்கான  கபடி போட்டிகள்   நடைபெற்றது. இப்போட்டியில் சாத்தான்குளம், மெஞ்ஞானபுரம், உள்ளிட்ட 8அணிகள் பங்கேற்றனர். போட்டியை படுக்கப்பத்து அரசு மேல்நிலைப்பள்ளி பெற்றோர் ஆசிரியர் கழகத் தலைவர் சரவணன் தொடங்கி வைத்தார். போட்டியில் நடுவர்களாக உடற்கல்வி ஆசிரியர்கள் சாமுவேல்பொன்னையா, தாமஸ், தினேஷ், அழகுதுரை ஆகியோர் செயல்பட்டனர். 

போட்டியில் மெஞ்ஞானபுரம் அம்புரோஸ்  மேல்நிலைப்பள்ளி மாணவர்கள் முதலிடமும், சாத்தான்குளம் தூய இருதய ஆண்கள் மேல்நிலைப்பள்ளி மாணவர்கள் 2ஆம்  இடமும்  பெற்றனர். போட்டியையொட்டி   படுக்கப்பத்து தொழிலதிபர் ஆர்ஜூன், படுக்கப்த்து அரசு மேல்நிலைப்பள்ளி மாணவர்களுக்கு பனியன், சாக்ஸ்  வழங்கினார். 

போட்டிக்கான ஏற்பாடுகளை படுக்கப்பத்து அரசு  மேல்நிலைப்பள்ளி உடற்கல்வி ஆசிரியர் சைமன் மற்றும் ஆசிரியர்கள் செய்திருந்தனர்.