கயத்தார் அருகே பணிக்கர் குளம் பள்ளி சீரமைப்பு: கோட்டாட்சியர் திறந்து வைத்தார். 

கயத்தார் அருகே பணிக்கர் குளம் ஊராட்சி ஒன்றிய நடுநிலைப்பள்ளியில் நம்ம ஸ்கூல் நம்ம ஊரு பள்ளி திட்டத்தின் கீழ் ஊர் பொதுமக்கள் மற்றும் முன்னாள் மாணவர்கள் பங்களிப்புடன் பள்ளியின் பழைய கட்டிடங்கள் பராமரிப்பு செய்யப்பட்டு புதுப்பிக்கப்பட்டன. கட்டிடத்தின் திறப்பு விழா கோவில்பட்டி கோட்டாட்சியர் மகாலட்சுமி தலைமையில் நடந்தது. பள்ளி தலைமை ஆசிரியர் தமிழ்ச்செல்வி வரவேற்றார். கயத்தார் வட்டாட்சியர் சுந்தர ராகவன் வாழ்த்துரை வழங்கினார். நன்கொடையாளர்கள் கௌரவிக்கப்பட்டனர். மாணவர்களின் கலை நிகழ்ச்சிகள் நடைபெற்றன. விழாவில் பள்ளி மேலாண்மை குழு தலைவர் முன்னாள் மாணவர் சங்க பிரதிநிதி வழக்கறிஞர் கே. மலையரசன் முருகன், மற்றும் ஆசிரியர்கள், மாணவர்கள், பெற்றோர்கள், பொதுமக்கள், என ஏராளமானோர் கலந்து கொண்டனர். பட்டதாரி ஆசிரியர் கல்யாண சுந்தரி நன்றி கூறினார்.