வண்டல் மண் என்ற பெயரில் சரள் மண் கொள்ளை என பொது மக்கள் விவசாயிகள் குற்றச்சாட்டு - விளாத்திகுளம் அருகே வாகனங்களை சிறைப்பிடித்து பொது மக்கள் போராட்டம் - பரபரப்பு

தூத்துக்குடி மாவட்டம் விளாத்திகுளம் அருகேயுள்ள உருளைகுடியில் 96 ஏக்கர் பரப்பளவில் கண்மாய் ஒன்று உள்ளது. இந்த கண்மாய் பகுதியில் இன்று சிலர் கனரக வாகனங்களை வைத்து சரள் மண் எடுத்து கொண்டு இருப்பதாக அப்பகுதி மக்களுக்கு தகவல் கிடைத்துள்ளதை தொடர்ந்து அப்பகுதி மக்கள் சம்பவ இடத்திற்கு சென்று வாகனங்களை சிறை பிடித்துஇ சரள் மண் எடுப்பதற்கு யாரிடம் அனுமதி பெற்றுள்ளீர்கள்இ அதற்கான அனுமதி சீட் எங்கே என்று கேள்வி கேட்டதும்இ அங்கிருந்தவர்கள் முன்னுக்கு பின்னாக தகவல் கூறியதை தொடர்ந்து அப்பகுதி பொது மக்கள் நாலாட்டின்புதூர் காவல் நிலையம் மற்றும் எட்டயபுரம் தாலூகா அலுவலகத்திற்கு தகவல் கொடுத்துள்ளனர். இதையெடுத்து சரள் மண் அள்ளியவர்கள் வாகனங்களை விட்டுஇ விட்டு அங்கிருந்து தப்பியோடி உள்ளனர்.

இது குறித்து அப்பகுதி மக்கள் கூறுகையில் 96 ஏக்கர் பரப்பளவு கொண்ட இந்த கண்மாயை நம்பி 200 ஏக்கர் அளவில் விவசாயம் செய்து வந்தோம்இ நெல் உள்ளிட்ட பயிர்களை பயிர் செய்து வந்த நிலையில் தொடர்ந்து கண்மாயில் சரள் எடுப்பதால் நீர் வரத்து தடைப்பட்டு கடந்த 3 ஆண்டுகளுக்கு மேலாக விவசாயம் செய்ய முடியவில்லை என்றும்இ தற்பொழுது 40 ஏக்கர் வண்டல் மண் எடுக்க அனுமதி பெற்றுள்ளதாக கூறிவிட்டு சரள் எடுத்து வருவதாகவும்இ இதனால் தங்களது பகுதியில் மேலும் விவசாயம் பாதிக்கப்படும் நிலை இருப்பதாகவும்இ தற்பொழுது வாகனங்களை சிறைப்பிடித்து வைத்து இருப்பதாகவும்இ அதிகாரிகள் என்ன நடவடிக்கை எடுக்க போகிறார்கள் என்று தெரியவில்லை என்றனர்.

விவசாயிகள் பயன்பெறுவதற்காக தமிழக அரசு கண்மாய்களில் வண்டல் மண் எடுக்க அனுமதித்துள்ள நிலையில் சிலர் அந்த அனுமதியை தவறாக பயன்படுத்தி சரள் மண் அள்ளி வருவது பெரும் சர்ச்சையை ஏற்படுத்தியுள்ளது. அனுமதி கொடுப்பது மட்டுமின்றிஇ அனுமதிக்கப்பட்ட அளவு அள்ளப்படுகிறதாஇ வண்டல் மண் தவிர வேறு எதுவும் கனிமவளங்கள் சுரண்டப்படுகிறதா என்பதனை பல இடங்களில் சம்பந்தப்பட்ட அரசு அதிகாரிகள் ஆய்வு செய்வதில்லை என்பது மக்களின் குற்றச்சாட்டாக உள்ளது.