தூத்துக்குடி பி.என்.டி காலனி மூன்றாவது தெருவை சேர்ந்த ஆனந்த் (27) என்பவர் புரோகிதராக வேலை செய்து வருகிறார். இந்நிலையில் கடந்த செப்டம்பர் 8 அன்று ஓட்டப்பிடாரம் சுந்தரலிங்கம் நகரில் உள்ள  காளியம்மன் கோவில் கும்பாபிஷேகத்திற்கு வந்து  கும்பாபிஷேக பணிகளை முடித்துவிட்டு தனது இரு சக்கர வாகனத்தில் ஓட்டப்பிடாரம் தெப்பக்குளம் அருகே வந்து கொண்டிருந்தார்.

அப்போது எதிரே ஓட்டப்பிடாரம் அருகே வடக்கு கைலாசபுரம் பகுதியைச் சேர்ந்த வேல்முருகன் (37) என்பவர் ஓட்டி வந்த குட்டியானை வாகனம் எதிர்பாராத விதமாக இரு சக்கர வாகனம் மீது மோதியதில்  ஆனந்திற்கு தலை மற்றும் வலது கையில் இரத்த காயம் ஏற்பட்டது. இதை அடுத்து  அருகில் இருந்தவர்கள் ஆனந்தை மீட்டு ஓட்டப்பிடாரம் அரசு மருத்துவமனைக்கு சிகிச்சைக்காக அனுப்பி வைக்கப்பட்டு அங்கு முதலுதவி சிகிச்சை அளிக்கப்பட்டு, தொடர்ந்து மேல் சிகிச்சைக்காக தூத்துக்குடி அரசு மருத்துவ கல்லூரி மருத்துவமனையில்  சிகிச்சை பெற்று வருகிறார். இச்சம்பவம் குறித்து  ஓட்டப்பிடாரம் போலீசார் இன்று வழக்கு பதிவு செய்து விசாரணை மேற்கொண்டு வருகின்றனர்.