தூத்துக்குடி மாவட்டம், எட்டயபுரம் காளியம்மன் கோயில் தெருவைச் சேர்ந்த கிருஷ்ணன் மனைவி அன்னம்மாள் (54). இவர், விளாத்திகுளத்தில் நடைபெற்ற உறவினர் வீட்டு சுப நிகழ்ச்சியில் பங்கேற்றுவிட்டு தனியார் பேருந்தில் எட்டயபுரத்துக்கு  வந்தார்.

எட்டயபுரம் அருகே பேருந்து வந்த போது, தனது கழுத்தில் அணிந்து இருந்த ஆறு பவுன்  தாலி செயின் காணாமல் போய் இருப்பது கண்டு அதிர்ச்சி அடைந்தார். இதையெடுத்து எட்டயபுரம் காவல் நிலையத்திற்கு தனியார் பேருந்து ஊழியர்கள் தகவல் கொடுத்துள்ளனர். போலீசார் விரைந்து வந்து பேருந்தில் இருந்த பயணிகள் மற்றும் பயணிகளின் உடைமைகளை சோதனை செய்தனர் ஆனால் நகை கிடைக்கவில்லை.பேருந்தில் கூட்ட நெரிசலை பயன்படுத்தி அன்னம்மாள் அணிந்திருந்த 6 பவுன் தங்க செயினை மர்ம நபர்கள் திருடிவிட்டு இதற்கு முந்தைய நிறுத்தத்தில் இறங்கி சென்றிருக்கலாம் என்று கூறப்படுகிறது. இதுகுறித்து அன்னம்மாள்எட்டயபுரம் காவல் நிலையத்தில் அளித்த புகாரின்பேரில் போலீசார் வழக்குப் பதிந்து விசாரணை நடத்தி வருகின்றனர்.