மதுரை மாவட்டத்தைச் சேர்ந்த ரவிச்சந்திரன் (57) என்பவர் குடிநீர் பைப் லைன் அமைக்கும் பணி செய்து வருகிறார்.

இந்நிலையில் இன்று தூத்துக்குடி மாவட்ட ஆட்சியர் அலுவலகத்திற்கு குடிநீர் பைப் லைன் அமைக்கும் பணி ஒப்பந்தம் தொடர்பாக மதுரையிலிருந்து தூத்துக்குடிக்கு தனது நண்பர்களான சேலம் மாவட்டத்தைச் சேர்ந்த சரவணகுமார் (38), ரவி(53) மற்றும் மதுரை சேர்ந்த முகமது யாசின் உள்ளிட்ட 4 பேரும் TN64 Y0920 என்ற வாகன பதிவு கொண்ட காரில் வந்து கொண்டிருந்தனர்.

அப்போது இவர்கள் வந்த கார் எட்டயபுரம் அருகே உள்ள தாப்பாத்தி தேசிய நெடுஞ்சாலையில் வந்து கொண்டிருந்தபோது திடீரென ஓட்டுனரின் கட்டுப்பாட்டை இழந்த கார் கவிழ்ந்து விபத்துக்குள்ளானது. இந்த விபத்தில் காரில் வந்தவர்கள் அதிர்ஷ்டவசமாக லேசான காயங்களுடன் உயிர் தப்பினர். இதைத்தொடர்ந்து அங்கிருந்தவர்கள் அவர்களை மீட்டு எட்டையபுரம் அரசு மருத்துவமனைக்கு சிகிச்சைக்காக அனுப்பி வைத்தனர்.

மேலும் இது குறித்து எட்டையபுரம் காவல் நிலைய பொது சார் வழக்குப்பதிவு செய்து விசாரணை மேற்கொண்டு வருகின்றனர்.