தூத்துக்குடி மாவட்டம் விளாத்திகுளம் முதலியார் தெரு பகுதியை சேர்ந்த ராமசாமி என்பவரின் மனைவி தெய்வானை(75), ராமசாமி கடந்த சில ஆண்டுகளுக்கு முன்பு உயிரிழந்தார், அவரது பிள்ளைகள் நான்கு பேரும் வெளியூரில் வசித்து வருகின்றனர்.

தெய்வானை தனியாக வசித்து வந்துள்ளார், இந்த நிலையில் அக்கம் பக்கத்தினர் தெய்வானை வீட்டில் இருந்து துர்நாற்றம் வீசுவதாக விளாத்திகுளம் காவல்துறையினருக்கு தகவல் தெரிவித்தனர். அங்கு சென்று போலீசார் கதவை உடைத்து பார்த்தபோது அங்கு தெய்வானை அழுகிய நிலையில் சடலமாக கிடந்துள்ளார், இதனை அடுத்து அழுகிய நிலையில் இருந்த தெய்வானையின் உடலை மீட்டு விளாத்திகுளம் அரசு மருத்துவமனைக்கு பிரேதாய்வுக்காக அனுப்பி வைத்து,  தெய்வானை அழுகிய நிலையில் உயிரிழந்தது குறித்து வழக்கு பதிவு செய்து விசாரணை மேற்கொண்டு வருகின்றனர்.